Манчестер сити претрпе тежок пораз на домашен терен во 12. коло од Премиер лигата. Тотенхем го надигра со големи 4:0. Јунак на гостинската победа беше Џејмс Медисон со два гола, додека еден додаде Педро Поро. И покрај поразот, Сити остана втор со 23 бода, но Ливерпул има шанса да го мине со дури осум бода. Тотенхем е шести со 19 бодови.
Тотенхем поведе во 13. минута, кога Дејан Кулушевски се избори за топка покрај Јошко Гвардиол и со прецизен центаршут го пронајде Медисон, кој го постигна голот. Седум минути подоцна Медисон го постигна вториот гол, а Гвардиол погреши, додавајќи ја топката во неговите нозе. Медисон одигра двојно додавање со Сон и со мирна реализација ја зголеми предноста на гостите.
На 3:0 зголеми Поро во 50. минута од контранапад на асистенција на Доминик Соланке. Конечните 4:0 ги постави Бренан Џонсон во 93. минута од нов контранапад, а асистент беше Тимо Вернер.
Ова беше петти последователен пораз на тимот на Пеп Гвардиола во сите натпреварувања, а трет во Премиер лигата. Тоа е најдолгата серија на загуби во историјата на тренерската кариера на Гвардиола.
