Утрински Весник
Балкан

Тридневна жалост во Параќин поради смртта на петнаесеттата жртва

677z381 Tan2024 11 0116194080 2 Obrusavanje Nadstresnica Zeleznicka Stanica Novi Sad.jpg

По повод трагичната смрт на Ања Радоњиќ, општина Параќин прогласи тридневна жалост. Ања Радоњиќ беше тешко повредена во несреќата по паѓањето на повеќетонската настрешница на железничката станица во Нови Сад, јави дописникот на МИА од Белград.

Дваесет и четиригодишната Радоњиќ почина вчера во Клиничкиот центар во Војводина (КЦВ), и таа е петнаесеттата жртва во несреќата во Нови Сад.

Лекарите од Клиничкиот центар во Војводина продолжуваат со комплексно интензивен третман со континуирано следење на виталните функции на останатите двајцата пациенти кои се примени со тешки политрауматски повреди.

-Пациентите Ц. В, роден 2006 година и М. Т, родена 2000 година се наоѓаат во многу тешка здравствена состојба. Мултидисциплинарен конзилијарен тим од лекари секојдневно донесува одлука за понатамошно лекување, изјавија од Службата за односи со јавноста на КЦВ.

Новосадската опозиција поднесе барање за разрешување на градоначалникот на Нови Сад, Милан Ѓуриќ.

Во уривањето на настрешницата на железничката станица во Нови Сад на 1 ноември загинаа 15 лица, додека двајца се борат за живот.

Оставката на Ѓуриќ е едно од барањата од серијата протести кои беа покренати по трагедијата.

Можете да прочитате

14 годишен ученик прободен директно во срцето: Тепачка пред основно училиште во Тирана заврши трагично

Трагичната приказна за Ања Радоњиќ: Момчето го гледало моментот кога натстрешницата во Нови Сад паѓала врз неа

Мал авион со тројца патници се урна во Словенија