Утрински Весник
Македонија

Откази за петнаесет полициски функционери поради незаконски издадени дозволи за оружје

14112024 Platforma 100 Posveteni Za Tebe 2.jpg

Петнаесет високи полициски функционери добија решенија за отказ поради незаконско издавање на дозволи за поседување на оружје, обелодени министерот за внатрешни работи, Панче Тошковски, на денешната прес-конференција.

Министерот изјави дека до него и неговиот кабинет пристигнале претставки од граѓани за неправилности во постапките за издавање дозволи. „По извршена темелна истрага од Комисија која спроведе ревизија, се утврди дека над 5.000 предмети не биле постапувани, а во многу случаи дозволи биле издавани на лица кои не ги исполнувале законските услови,“ нагласи Тошковски.

Тој посочи дека селективноста и непочитувањето на хронологијата во постапките биле клучен проблем, додека конкретни функционери ги користеле своите позиции за да издаваат дозволи надвор од законските рамки.

Министерот најави дека ќе бидат поднесени кривични пријави против сите за кои ќе се утврди дека сториле кривично дело. Како долгорочно решение, воведена е дигитална алатка за неселективен и системски пристап во издавањето дозволи за оружје.

Можете да прочитате

МОН: Наставниците се наш висок приоритет, нивните плати постојано ќе растат во следните четири години

Заврши вториот ден од комисиската расправа за Предлог-буџетот за 2025

Во Дебарско се препорачува внимателно возење поради влажните коловози и помали, но чести одрони