Унгарските разузнавачки служби спровеле разговори со извршниот директор на BAC Consulting, компанија со седиште во Будимпешта, поврзана со смртоносните експлозии на пејџери што ги користеле членовите на Хезболах оваа недела, соопшти денеска унгарската Влада.
Тајванската компанија за пејџери Gold Apollo во средата соопшти дека моделите на пејџери што се користеле при детонации во Либан се направени од BAC Consulting, додавајќи дека само го лиценцирала својот бренд на компанијата и не била вклучена во производството на уредите. Кристиана Барсони-Арцидиаконо 49-годишната, италијанско-унгарската извршна директорка и сопственичка на BAC Consulting, изјави за NBC News претходно оваа недела дека нејзината фирма не ги правела пејџерите и дека таа е „само посредник“.
Унгарските разузнавачки агенции ја спроведуваат својата истрага од средата и неколкупати ја спрашувале Барсони-Арцидиаконо, се вели во соопштението на прес-службата на унгарската влада.
