Хеликоптери на Република Српска, Хеликоптерската единица на Министерството за внатрешни работи на Србија и Вооружените сили на Босна и Херцеговина денеска нема да учествуваат во гаснењето на пожарот во Сребреница поради неповолните временски услови.
На состанокот на штабот за заштита и спасување на оваа општина беше упатен апел итно да се испратат поголем број луѓе за гаснење на пожарот и да се побараат од соседните општини водени ранци за да се спречи ширење на пожарот на куќи во селото Лука во атарот на Националниот парк „Дрина“.
Шефот на општината и командант на овој штаб Младен Грујичиќ рече дека линијата на пожарот е долга 15 километри, дека пожарот е на 80 метри од куќите и дека засилен ветер кој го променил правецот, дополнително го разгорува пожарот и го загрозува селото.
Грујичиќ рече дека ќе има зголемен број на луѓе кои ќе работат на тоа пожарот да не се прошири на куќите во село Лука и дека се очекуваат врнежи од дожд, што е единственото нешто што може да го изгаси пожарот во иглолисната шума каде пожарот се шири неверојатно брзо под влијание на ветерот.
