Самиот почеток на месецот ќе донесе големи промени.
На првиот ден од септември, Плутон ретроградно се враќа во полето на Јарецот и додека останува во овој знак се препорачува да внесете и најмали промени во вашето секојдневие кога станува збор за вообичаениот начин на пристап кон работата. Плутон носи трансформации преку релаксација и градење од почеток, така што ова е погоден период за повторно структурирање на животот и остварување на визиите.
Потоа следи младата месечина на 2-ри септември, што сама по себе е знак за нов почеток – треба да бидеме трпеливи и да се чуваме од глупави, евтини грешки.
Астролозите велат дека особено три хороскопски знаци ќе профитираат од возбудливиот септември.
Бик
Родените во знакот на Бик може да очекуваат наплив на голема инспирација и бран на креативност, па затоа е особено поволен за уметниците и луѓето на раководни позиции. Она што ќе следи цел септември за Биковите е секако позитивен став и заразен оптимизам кој ќе го почувствуваат сите во околината на припадниците на овој знак на Зодијакот.
Ќе имате чувство дека можете да постигнете сè што ќе посакате и – знаете што – веројатно сте во право!
Септември ќе донесе поволни аспекти за Биковите на љубовен план, особено за оние кои се слободни бидејќи ќе имаат можност да запознаат некој кој од корен ќе им го промени животот.
Шкорпија
Во текот на септември, припадниците на овој знак би можеле да го доживеат конечното остварување на своите долго сонувани цели. Во тоа би можеле да им помогнат луѓето од нивното опкружување, бидејќи комуникацијата се подобрува по минувањето на ретроградниот Меркур, а социјалниот живот ќе биде далеку поинтересен за Шкорпиите отколку во летните денови.
Ќе поминувате повеќе време во дружење, а на работа сè ќе функционира уште подобро со колегите, па нема да има конфликти и недоразбирања.
Кога станува збор за љубовта, би можеле да очекувате враќање на некоја личност од минатото која ви згрешила, но бидете многу внимателни бидејќи можеби не е добра одлука да дозволите да се врати во вашиот живот.
Водолија
За луѓето родени во хороскопскиот знак Водолија, септември носи информации кои можат значително да влијаат на нивниот живот. Може да дознаете нешто од минатото што сте го пропуштиле, како и важни информации за тоа што носи иднината.
Во секој случај, трансформацијата е неизбежна за Водолиите во септември, а тоа може да значи и раскинување на некои врски, пријателски или романтични, кои не се добри за вас.
Најважно е да го задржите трпението и присебноста, пред сè во деловното опкружување, каде што имате можност навистина да блеснете и да покажете што умеете.
