Со привршувањето на летото, полека но сигурно завршија и гужвите на пунктовите за вадење на нови лични и патни исправи.
Екипата на 24инфо.мк денеска беше во просториите кај МТВ каде граѓани доаѓаа да се фотографираат или да подигнат лични документи.
Она што можеше да се забележи е дека се се одвиваше во најдобар ред, односно без гужви и турканици како шти беше до пред месец и половина.
Граѓаните кои беа расположени за разговор велат дека брзо завршиле по она што имаат дојдено.
Очигледно екот на летните одмори, но и фактот што нашинците од дијаспората полека заминуваат од државата го сторија своето, па сега на шалтерите на МВР нема долги колони кои годинава често пати ги гледавме.
Сепак, и покрај тоа што се намалени гужвите за изготвување на одреден документ по редовна постапка се чека 30ина денови.
