Француската брза железничка мрежа е погодена од „злонамерни дејствија“, меѓу кои и предизвикан пожар – и поради тоа е нарушено одвивањето на транспортниот систем, соопшти утрово железничкиот оператор SNCF.
Соопштението е објавено само неколку часа пред церемонијата на отворање на Олимписките игри во Париз. „Ова е напад со големи размери за да се парализира мрежата Те-Же-Ве (TGV)“, соопштија од SNCF. Според нив, многу рути ќе мора да бидат откажани и ситуацијата ќе трае „барем цел викенд додека се вршат поправките“.
