Утрински Весник
Балкан

Температури над 40 степени – Топлотен бран на Балканот, во Албанија и Србија рекордни

Zesko Vreme 1.jpeg

Нов топлотен бран го зафати Балканот во понеделникот, три недели откако претходниот бран предизвика прекин на електричната мрежа во неколку земји во регионот.

Во Албанија, каде што температурите надминуваат 40 Целзиусови степени, владата утринава предупреди дека „намерно или случајно предизвикување пожар“ се казнува со 15 години затвор.

Во Србија хидрометеоролошкиот институт РХМЗ денеска предупреди на силен топлотен бран прогнозирајќи дека ќе трае цела недела со температури до 40 степени и тропски ноќи во градските средини. Институтот прогласи портокалова тревога за добар дел од земјата.

Во Косово горештините се придружени со ветер и песок, а на граѓаните им се препорачува да не излегуваат на сонце.

„УВ-индексот ќе биде многу висок“, предупредија властите апелирајќи до возачите да бидат внимателни.

За време на претходниот топлотен бран, на 21 јуни, електричната мрежа се расипа во Црна Гора, Босна и Херцеговина, Хрватска и Албанија.

Можете да прочитате

Исповед од Јабланица: Син ми одеше зад мене, одеднаш го однесе триметарски бран (ВИДЕО)

Три млади лица загинаа во сообраќајна несреќа на патот Гњилане – Приштина

Во Јабланица прогласена тридневна жалост: Загинаа 15 лица, се трага по уште исчезнати