Европската унија ги продолжи санкциите против сириската влада и оние кои ја поддржуваат до 1 јуни 2025 година.
„Во моментов важечките рестриктивни мерки опфаќаат 316 лица и 86 субјекти. Нивните средства се замрзнати, а на граѓаните и компаниите на ЕУ им е забрането да им даваат средства на располагање“, соопшти денеска Советот на Европската унија.
Се додава дека продолжувањето на санкциите е неопходно бидејќи, како што се наведува, „сирискиот режим ја продолжува својата политика на репресија и кршење на човековите права“, но дека хуманитарната помош за Сирија ќе продолжи поради хуманитарната криза предизвикана од разорниот земјотрес што ја погоди таа земја и Турција во февруари 2023 години.
