Утрински Весник
Македонија

НАЈАВА ЗА ТОПОЛ БРАН ОД АФРИКА: За време на викендот температурите ќе надминат 30 степени, но стабилно ќе биде само во петок и во сабота, потоа невреме

Messenger Creation 0151a7f5 B64c 49f4 Bfad 8ef15d8524c9.jpeg

Под влијание на умерен топол бран од Африка, од петок, а особено за време на викендот кој доаѓа температурите во Македонија позначително ќе се покачат, па така тие на повеќе места ќе надминуваат 25 степени, додека во најтоплите централни и југоисточни предели тие ќе се искачат  и до 30 степени, локално и до 32, 33 степени.

Сепак, краткотрајно стабилизирање на времето ќе имаме само во петок и во сабота, веќе од недела попладне ни следува нов период на многу нестабилно време со чести врнежи и грмежи. Поради загреаната Атмосфера која ќе биде исполнета со енергија поради најавениот топол бран, на повеќе места ќе се создадат услови за посилно невреме со силен ветер, обилен пороен дожд, силни и чести електрични празнења  и покрупен град.

Во Скопје за време на викендот исто така температурата позначително ќе се покачи и ќе се искачи до околу 30 степени. Но и во Скопскиот регион стабилно ќе биде само во петок и во сабота, додека од недела попладне повторно ќе биде многу нестабилно со чести врнежи и грмежи, во делови од котлината во форма на невреме со силен ветер, електрични празнења пообилен пороен дожд и со услови за појава на град.

Можете да прочитате

Медиумски takeover ден посветен на важноста на семејството во животот на секое дете

Претседателот на Советот на ЕУ Антонио Кошта во Скопје на средба со премиерот Христијан Мицкоски

Променливо облачно со сончеви периоди, кон крај на денот локални врнежи од дожд