Пристигнуваат бројни честитки за историската победа на двојните избори на проф. д-р Гордана Сиљановска-Давкова и ВМРО-ДПМНЕ.
На социјалната мрежа Х досега беа упатени честитки од страна на Амбасадорот на Европската Унија во Република Македонија, Дејвид Гир, еврокомесарот за проширување и соседска политика, Оливер Вархеј, премиерот на Република Унгарија, Виктор Орбан, хрватската пратеничка и голема пријателка на Македонија, Маријана Петир претседателот на Република Србија, Александар Вучиќ, поранешниот премиер на Република Словенија, Јанез Јанша, премиерот на Република Хрватска, Андреј Пленковиќ, како и од Меѓународната алијанса на центар – десничарските ориентирани партии – Меѓународната демократска унија (International Democracy Union) – IDU.
Еврокомесарот за проширување и соседска политика, Оливер Вархеј упати честитка до професорката Гордана Сиљановска-Давкова во која ја потенцира идната соработка со нејзе како претседателка, а во насока на забрзување на процесот за отворање на пристапните преговори на Македонија со ЕУ.
