Американскиот сенатор Берни Сандерс им порача на членовите на студентското движење, кои ги поддржуваат Палестинците и протестираат во американските универзитетски кампуси, дека се „на вистинската страна на историјата“.
„Во 1962 година организиравме мирни протести за да ставиме крај на расистичката политика на Универзитетот во Чикаго. И во 1963 година, бев уапсен поради протести против училиштата кои ги сегрегираа учениците по раса“, напиша Сандерс на платформата Х (Твитер) и додаде: „Но, бевме во право. Горд сум што гледам студенти кои протестираат против војната во Газа. Останете смирени и фокусирани“
Претходните денови на бројни универзитети во САД студенти протестираа за поддршка на Палестинците и барајќи прекин на војната во Газа, која доведе до немири и апсења во некои градови.
