Излезеноста на гласачите на првиот круг од претседателските избори до 17 часот е 44,18 отсто, согласно податоците на Државната изборна комисија (ДИК) од 1.788 избирачки места. Од вкупно запишани 899.977 гласачи на овие избирачки места, како што соопшти претседателот на ДИК, Александар Даштевски, гласале вкупно 397.612 избирачи, односно 44,18 отсто. -Во споредба со првиот круг од претседателските избори од 2019 година, до 17 часот на овие избори се забележува поголема излезеност за околу 9 отсто, соопшти на прес-конференцијата Даштевски. До 17 часот најголема излезеност е забележана во Новаци (67,19 отсто), а најмала во Пласница (15,5 отсто).
Излезеноста до 17 часот е 44,18 отсто
