Напаѓачот кој во саботата уби шест и повреди 12 лица со нож во трговски центар во Сиднеј, а подоцна беше застрелан од полицијата, имал за цел жени, изјави полицискиот комесар на Нов Јужен Велс, Карен Веб.
„Снимката зборува сама за себе, нели? Очигледно е, и на детективите им е очигледно дека се чини дека криминалецот таргетирал жени, а избегнувал мажи“, рече таа во гостувањето на веб-страницата на телевизијата ABC.
„Не знаеме што се случува во умот на сторителот, па затоа е важно детективите сега да ги интервјуираат оние кои го познавале и кои биле блиски до него, за да можеме да добиеме увид во тоа што тој размислувал“, објасни Веб.
Вооружен маж во саботата уби шест и повреди 12 лица во трговски центар во австралиската држава Нов Јужен Велс, а полицијата подоцна истиот ден соопшти дека напаѓачот боледувал од шизофренија од мала возраст.
