Норвешка, која двапати го откажа членството во Европската унија, треба да одржува блиска соработка со блокот и да го забрза усвојувањето на европските правила и прописи, според препораките на комисијата назначена од норвешката Влада. Граѓаните на скандинавската страна се изјаснија дека не сакаат да влезат во ЕУ на два референдуми, одржани во 1972 и 1994 година. И покрај тоа, Норвешка, заедно со Исланд и Лихтенштајн, учествува на заедничкиот европски пазар врз основа на Договорот за Европската економска област (ЕИП). Во препораките на норвешката владина комисија се посочува дека овој договор и обезбедува на земјата „пошироки, подлабоки и попредвидливи“ односи со ЕК отколку што имаат Швајцарија, Велика Британија и Канада. „Прегледот покажа дека договорите на ЕК со Швајцарија, Велика Британија и Канада опфаќаат помалку области и обезбедуваат поограничен пристап на пазарот од Договорот за за Европската економска област“, соопшти Комисијата.
