Илон Маск предупреди дека во САД може да се случи терористички напад како оној од 11 септември 2001 година доколку не се реши кризата на јужната граница и неконтролираниот проток на мигранти.
Извршниот директор на Тесла и СпејсX го напиша ова како одговор на постот на X на поранешниот републикански претседателски кандидат и бизнисмен Вивек Рамасвами, кој повика на масовни депортации и затворање на границата меѓу САД и Мексико.
– Дури и само 0,1 отсто од илегалните странци кои ја преминале нашата граница имаат непријателски намери, тоа се десетици илјади потенцијални напаѓачи – истакна Рамасвами, сугерирајќи дека доколку не се посвети посебно внимание на ова прашање, „го отвораме патот за друга трагедија од размери од 11 септември“.
Маск одговори дека е „само прашање на време“ кога ќе се случи таква катастрофа.
Претходно, милијардерот тврдеше дека способноста на илегалните мигранти да ја преминат границата меѓу САД и Мексико и да бараат азил без никаква идентификација „ја претвори Америка во рај за најлошите криминалци во светот“.
Неговото тврдење уследи по извештаите дека стапката на убиства во Венецуела паднала на најниско ниво во последните 22 години, при што некои сугерираат дека тоа се должи на преселувањето на венецуелски банди во САД.
Во меѓувреме, извештајот на американскиот медиум Политико, објавен минатиот месец, сугерира дека американскиот претседател Џо Бајден размислува да понуди постојан престој на милиони илегални имигранти. Маск одговори на веста обвинувајќи ја Демократската партија на САД за намерно отворање на јужната граница за „увоз на гласачи“.
Се смета дека околу 10,5 милиони илегални имигранти моментално живеат во САД, според податоците собрани од Pew Research во 2021 година. Сепак, најмалку 6,3 милиони повеќе влегле во САД оттогаш, според Одделот за домашна безбедност.
Во февруари, Маск тврдеше дека планот на Бајден да ги задржи демократите на власт е „многу едноставен“ и вклучува „донесување што е можно повеќе илегалци во земјата“, а потоа легализирање на тие луѓе „за да се создаде постојано мнозинство“.
Состојбата на границата меѓу САД и Мексико стана едно од клучните прашања во американската политика во текот на изминатата година во услови на историски прилив на милиони имигранти, кога Тексас одлучи да ја зајакне својата гранична ограда.
