Екстремниот маратонец Рас Кук во неделата ја заврши својата трка низ Африка во Тунис, откако помина 16 земји, одисеја од 352 дена во која беше ограбен и труен со храна.
Кук ја започна својата авантура минатиот април на најјужната точка на Африка, во јужноафриканското село L’Aguilas и продолжи по западниот брег на континентот, трчајќи вкупно 16.000 километри.
-Првиот човек што ја истрча цела Африка. Мисијата е остварена, напиша Кук на социјалната мрежа Х.
27-годишникот патувал низ Намибија, Ангола, Демократска Република Конго, Камерун, Нигерија, Бенин, Того, Гана, Брегот на Слоновата Коска, Гвинеја, Сенегал, Мавританија и Алжир пред да пристигне во Рас Анџела во неделата навечер.
Спортистот на издржливост на патот собра повеќе од половина милион британски фунти за добротворни цели.
-Досега се собрани близу 600.000 фунти (скоро 700.000 евра) за две хуманитарни организации, Sandblast и Running. Се надевам дека ќе стигнеме до милион фунти, Рас ќе достигне милион фунти со неговото собирање средства, тоа е целта, изјави Симон Клима од хуманитарната платформа Гивестар.
Кук беше следен на последниот дел од патувањето од неговите обожаватели, од кои многумина долетаа само за да бидат таму.
-Видов објава на Инстаграм каде ги покани сите. Лежев на каучот, беше недела попладне, го видов, и рече дека секој може да дојде. Не сакав да ја пропуштам оваа луда историска шанса, изјави Ворен Блејк од САД.
Кук, кој носеше фудбалски дрес од Англија, им рече на новинарите по пристигнувањето дека е „прилично уморен“, пред заслужено да го заврши своето даикири од јагоди.
