Заменик министерот за внатрешни работи, Митко Бојмацалиев во утринското гостување на Слободен печат, кажа дека напаѓачите на градоначалникот на Арачиново се уште шетале на слобода. Уапсените лица од вчера, согласно изјавите на министерот не биле поврзани со престрелката во скопско Арачиново. „Сакам да ги демантирам некои натписи по медиумите, МВР сеуште ги нема приведено напаѓачите на градоналникот на општина Арачиново иако вчера во дел од медиумите пишуваше дека се приведени две лица-осомничени во вооружената престрелка. Лицето кое беше приведено е косовски државјанин кој бил баран со потерница поради учество во странска војска. Напаѓачите се на слобода, имаме осомничени, имаме подигнато докази, но јавноста треба да знае дека сеуште нема приведени поврзани со пукањето и обидот за убиство се уште немаме“, изјави заменик министерот за внатрешни работи.
Нема приведени лица за пукањето кон градоначалникот на Арачиново
