Американскиот претседател Џо Бајден и кинескиот Си Џинпинг разговараа денеска по телефон за прв пат од ноември, кога се сретнаа во Калифорнија, јавија кинески државни медиуми. Кинеската државна телевизија објави дека двајцата лидери разговарале за нивните ставови за односите меѓу САД и Кина, како и за прашања од заеднички интерес. Разговорот меѓу двајцата претседатели се одржа во услови на зголемени тензии во Јужното Кинеско Море, како и пред инаугурацијата на новиот претседател на Тајван следниот месец.
