Врховниот суд на Пакистан денеска ја суспендираше затворската казна на поранешниот пакистански премиер, Имран Кан, во случајот поврзан со нелегална продажба на државни подароци, објавија локалните медиуми.
Истовремено, судот ја суспендираше и казната на неговата сопруга Бушра.
Кан и неговата сопруга на почетокот на годината беа осудени на по 14 години затвор.
Пресудата уследи по истрагата на највисокото антикорупциско тело, Националното биро за одговорност (НАБ), и вклучуваше 10-годишна забрана за вршење јавна функција.
Поранешниот пакистански премиер и неговиот тим ги отфрлија обвиненијата, велејќи дека судењето е нефер.
