Обновливите извори на енергија учествуваа со 41,2 отсто од бруто потрошувачката на електрична енергија во Европската унија во 2022 година, 3,4 процентни поени повеќе отколку во 2021 година (37,8 отсто) и значително пред другите извори на електрична енергија како што се нуклеарната (помалку од 22 отсто), гасот (помалку од 20 отсто) или јаглен (помалку од 17 отсто), покажуваат податоците на Евростат, објавени на крајот на февруари. Севкупно, обновливите извори на енергија пораснале за 5,7 отсто од 2021 до 2022 година, известува билтенот на Агенцијата за енергетика AERS.
Енергијата на ветерот и хидроенергијата сочинуваат повеќе од две третини од вкупната електрична енергија произведена од обновливи извори (37,5 проценти и 29,9 проценти, соодветно). Преостанатата третина доаѓа од сончевата енергија (18,2 проценти), цврстите биогорива (6,9 проценти) и другите обновливи извори (7,5 проценти).
Сончевата енергија е најбрзо растечки извор: во 2008 година таа учествуваше со само еден процент од потрошената електрична енергија во ЕУ. Поголемиот дел од потрошувачката на електрична енергија во Шведска во 2022 година доаѓа од обновливи извори (83,3%, главно вода и ветер), потоа Данска (77,2%, главно ветер) и Австрија (74,7%, главно вода). Уддели од над 50 отсто се регистрирани и во Португалија (61,0 отсто), Хрватска (55,5), Летонија (53,3) и Шпанија (50,9 отсто).
Пониската побарувачка за електрична енергија – намалена за речиси седум проценти помеѓу 2021 и 2023 година – се должи на скоковите на цените во 2022 година. Ова придонесува за забавување на патеките на намалување на емисиите. Се очекува дека количината на јаглерод диоксид емитирана во 2026/27 г. да биде приближно ист како денес.
