Утрински Весник
Балкан

Словенија на руски дипломат му даде рок од седум дена да ја напушти земјата

Kl.jpg

Руски дипломат е прогласен за „персона нон грата“ во Словенија и му е наредено да ја напушти земјата во рок од седум дена, соопшти словенечкото Министерство за надворешни работи.

Словенија протерува руски дипломат поради „активности некомпатибилни со дипломатскиот статус“, објави Министерството. Повеќе детали не се објавени.

Словенија и Русија веќе го намалија бројот на вработени во нивните амбасади во Љубљана и Москва. Голем број други членки на ЕУ протераа руски дипломати откако Русија ја нападна Украина во февруари 2022 година.

Минатата година властите во Словенија уапсија двајца руски шпиони кои користеле агенција за недвижности и антиквитети како покритие за нивните активности, пишува Асошиејтед прес.

Можете да прочитате

Вучиќ најави оставка од пратеничкото место: „Толку сте ми одвратни што не можам да ве гледам“

Рама: Сосема е јасно дека Бугарите треба да бидат внесени во македонскиот Устав

Трагедија во Хрватска: Македонски работник загина при изведување работи на пруга