Централната изборна комисија на Русија денеска ги објави конечните резултати од претседателските избори, според кои Владимир Путин освоил 87,28 отсто од гласовите и со тоа е избран за нов шестгодишен мандат, до мај 2030 година.
Комисијата објави дека кандидатот на Комунистичката партија на Русија Николај Харитонов освоил 4,31 отсто, додека Владислав Даванков од Новата народна партија и лидерот на ЛДПР Леонид Слуцки се на третото и четвртото место со 3,85 отсто и 3,2 отсто.
Според законот, инаугурацијата на шефот на руската држава треба да се одржи на 7 мај.
