Маж во Австралија почина денеска откако падна од балон со топол воздух кој летал над Мелбурн. Несреќата се случила 30-тина минути по полетувањето на балонот.
„Брат ми слушна силен тресок, како да паднал голем предмет врз куќата. Излеговме надвор само кога ги слушнавме сирените“, рекол сведокот, а пренесува Фокс њуз. Засега не е позната причината за падот, но полицијата не верува дека се работи за кривично дело. Истрагата е во тек, а полицајците разговараат со операторот на балонот, другите патници и сведоци.
Телоото на мажот беше пронајдено во станбена област која беше затворена за сообраќај од страна на државната полиција на Викторија. Балонот од кој паднал човекот сигурно слетал во паркот Јара Бенд.
Националната комерцијална индустрија за балони со топол воздух и Австралиската федерација за балони изразија сочувство до семејството на починатиот.
„Дизајнот на корпите со балон е безбеден за патниците, за случајно да не испаднат од балонот. Патниците и операторот се трауматизирани од оваа трагедија, а организаторот на летот обезбеди психолошка поддршка и советување за сите оние кои се погодени од овој настан“, се вели во соопштението на организацијата.
