Претставникот на САД за Западен Балкан, Габриел Ескобар, по двочасовната средба со претседателката на Косово, Вјоса Османи, побара од Косово и Србија да го имплементираат Основниот договор од Брисел и Охридскиот анекс, притоа подвлекувајќи дека не само од Косово се бара да носи тешки одлуки во рамките на овој договор, туку и од Србија. -Двете страни треба да продолжат со целосната имплементација на договорот. Исто така, ја покануваме Србија да го спроведе договорот, така што ова не е едностран напор само Косово да донесе тешки одлуки за Охридскиот договор да стане реалност, рече Габриел Ескобар, претставник на САД за Западен Балкан.
