Ф1 тимот на Ферари соопшти дека во текот на денот Карлос Саинц мора да оди на итна операција поради воспаление на слепото црево, а сега од екипата откриваат дека хирушкиот зафат бил успешно завршен. Италијанскиот тим информира дека Саинц сега го чека кратка пауза, односно останува во болница на рехабилитација, а тоа значи дека ќе ја пропушти трката во Саудиска Арабија. На негово место ќе настапи Оливер Берман, кој не се прослави во квалификациите за утрешната трка.
