Запрашан за коментар на изјавата на лидерот на ВМРО-ДПМНЕ, Христијан Мицкоски дека бил измеќар и дека неговата кандидатура била за да се ослабне резултатот на Гордана Силјановска Давкова, градоначалникот на Карпош и претседателски кандидат Стевчо Јакимовски, во интервју за Топ Тема на Телнма оцени дека таквите изјави се карактеристични на човек кој е губитник
„Не знам зошто имаше потреба да дава такви изјави, со навреди кон мене и госпоѓата Ванковска. Очигледно брзал да ги собере потписите за да дава такви небулозни изјави. Тоа се изјави карактеристични за лузер, за губитник, кој што си бара алиби доколку ги изгуби изборите“ рече Јакимовски.
Тој потсети дека Силјановска Давкова ги изгубила изборите во 2019 година иако тогаш имала поширока поддршка од оваа што ја има денес.
„Еве јас имам отворено прашање. Во 2019 година, кој ѝ сметаше на госпоѓата Силјановска да победи на претседателските избори кои што се случија веднаш по промената на уставното име и потпишувањето на Договорот за добрососедство со Бугарија? – Подобро време за победа на опозицијата здравје. Тогаш дури имаше поддршка од мене и мојата партија“, истакна Јакимовски.
