Вкупно седум кандидати успеаја да ги соберат потребните 10.000 потписи за потврда на кандидатурата за претседателските избори напролет.
Од нив, само двјаца, Стево Пендаровски и Гордана Силјановска Давкова зад себе ќе имаат и поддршка од најмалку 30 пратенички потписи.
Истовремено, сите кандидати зад себе имаат и поддршка и логистика од некоја партија, а таа сега за сега е најширока поддршка од политички партии има Пендаровски.
Денес, беше потврдена поддршката за Пендаровски уште од 12 други политички партии, покрај СДСМ.
Станува збор за традиционалните коалициски партнери на СДСМ, а меѓу нив се и ЛДП, НСДП, ВМРО-НП, Партија на пензионерите, како и неколку партии на етничките заедници на Турците, Ромите, Србите, Власите, Бошњаците…
Следна со широка партиска поддршка е Силјановска Давкова за која застануваат традиционалните коалициски партнери на ВМРО-ДПМНЕ, како Социјалистичката партија, ПОДЕМ, одредени партии на Србите, Ромите, Еѓипќаните.
Поддршка од повеќе од една политичка партија има и Арбен Таравари зад кого застана Коалицијата Вреди, односно опозицискиот блок во електоратот на албанската етничка заедница.
Коалицискиот капацитет е многу важна алатка на изборите, а посебно е вреден во вториот круг на изборите кога токму таа широка меѓупартиска и меѓуетничка поддршка ќе го одреди победникот на претседателските избори.
