Портпаролот на политичкото крило на Хамас, Басим Наим, изјави дека палестинската исламистичка организација не може да му даде на Израел список на заложници кои се уште се живи, бидејќи не го знае, ниту пак знае каде се заложниците.
„Досега немаме поднесено никаков список. Но, пред сè, технички и практично, сега е невозможно точно да се знае кој е сè уште жив, а кој е убиен, поради израелското бомбардирање и гладувањето поради израелската блокада“, рече Наим во Истанбул во интервјуто објавено денеска од БиБиСи.
Тој додаде дека заложниците се во различни области со различни групи и затоа е повикан прекин на огнот за собирање информации.
Околу 100 заложници беа ослободени за време на седумдневниот прекин на огнот на крајот на ноември. Според израелските податоци, во Газа се уште се држат околу 130 заложници, но се знае дека не се сите живи.
Како еден од условите за учество во преговорите за ново примирје, Израел бара Хамас да му предаде список на заложници кои се живи.
Наим, функционер во политичкото биро на екстремистичката организација, повтори за Би-Би-Си дека Хамас нема да се согласи на договор за прекин на огнот доколку војната не заврши и израелската армија целосно не се повлече од Газа, пренесоа израелските медиуми.
Друг висок функционер на Хамас изјави за Arab World Press дека топката сега е во „израелскиот терен“ во преговорите за заложници, бидејќи се претставени критериумите за ослободување на палестинските затвореници, кои би биле разменети за израелски заложници.
Тој рече дека Хамас не ги именуваше затворениците што сака да ги ослободи, но додаде дека на списокот ќе има најмалку 20 Палестинци кои отслужуваат доживотна казна.
Израелските медиуми јавуваат дека Хамас не врши притисок врз жителите на Газа веднаш да се вратат на север од таа мала енклава, за да не биде пренаселена, туку дека сака етапно враќање на околу 500 семејства дневно за време на прекинот на огнот, со учество на Црвениот крст и Агенцијата за помош на ОН за Палестина.бегалци (UNRWA).
Израел не испрати делегација во Каиро за да преговара за прекин на огнот бидејќи не доби одговори на две прашања, колку заложници се живи и колку затвореници бара Хамас во замена за нив.
