Во Загреб денеска е основана партијата на хрватскиот бизнисмен Ивица Тодориќ „Заедно Хрватска“, која ќе учествува на претстојните парламентарни избори. На основачкото собрание на партијата „Заедно Хрватска“, Тодориќ посочи дека хрватските граѓани се силата на државата. „За мене луѓето се важни. Без задоволни луѓе кои заработуваат за живот од својата работа, нема среќна земја, нема иднина за генерациите што доаѓаат“, вели поранешниот сопственик на концернот „Агрокор“, пренесува Хина.
