Вчера започна собирањето на граѓанските потписи за претседателските кандидатури, а денес веќе се појавија и првите внатрепартиски препукувања.
Претседателот на општинскиот огранок во Кочани на партијата ЗНАМ на Максим Димитриевски поднел оставка од функцијата.
„Почитувани пријатели, роднини, подржувачи
ВЕ ПОВИКУВАМ ДА НЕ ИЗЛЕГУВАТЕ ДА СЕ ПОТПИШУВАТЕ ЗА ПРЕТСЕДАТЕЛСКИ КАНДИДАТ поради мене, за моја чест или мој ат’р. Доколку сами сметате дека е потребно тогаш сторете го тоа, но не заради мене. Ве известувам дека јас лично НЕ ПОДРЖУВАМ НИКОЈ КАНДИДАТ.
Не ЗНАМ и не сакам да ЗНАМ. Ве известувам дека од денес ПРЕКИНУВАМ СО СИТЕ ПОЛИТИЧКИ АКТИВНОСТИ ОД СЕКАКОВ ВИД. Господ да ни е напомош, напиша Гоцев.
Тој за сега, не дава дополнително објаснување за мотивите коишто го натерале на ваков потег.
