Интегрален текст од изјава за медиуми на Мартин Костовски, пратеник на СДСМ:
Почитувани,
Скандалот со тепањето полицајци од страна на обезбедувањето на Христијан Мицкоски и попречувањето на полициската акција против дрога мора целосно да биде расчистен.
Најавите за проширување на истрагата се позитивен момент во вистинска насока.
Но, надлежните институции имаат обврска да постапат професионално, во рамки на своите законски надлежности и секој инволвиран да понесе одговорност.
МВР мора да одговори на прашањето за улогата на Мицкоски?
Затоа што станува збор за спречување на акцијата против дрога од страна на негово обезбедување.
Особено што и многу скандали со дрога се поврзуваат со ДПМНЕ и Белата палата.
Професор во музичко училиште и претседател на ОК-ДПМНЕ Пештани неодамна беше фатен со кокаин.
Наставничка во училиште во Ново Лисиче, претставник на ДПМНЕ во изборната комисија во Аеродром беше уапсена за дрога.
Телохранителот на Мицковски, физички нападна полицаец за да спречи акција за откривање на дрога во познат скопски локал.
Дали структурите на ДПМНЕ во ВМРО-МВРО, сега откако имаат министер, ја попречуваат борбата против дилерите со дрога?
Затоа овој случај мора целоснo да се расветли и сите инволвирани да понесат одговорност.
