Израелскиот премиер Бенјамин Нетанјаху ги отфрли повиците на демонстрантите собрани во Тел Авив за одржување предвремени избори во земјата.
Последното нешто што ни треба сега се избори бидејќи тие веднаш ќе не поделат“. Ни треба единство“, рече Нетанјаху.
Демонстрации вчера беа одржани и во Ерусалим каде неколку стотици луѓе се собраа пред резиденцијата на израелскиот претседател барајќи договор за ослободување на заложниците кои ги држи Хамас и одржување предвремени избори.
Неколку илјади собрани во Тел Авив исто така го поддржаа повикот.
Следните редовни избори во Израел се закажани за 2026 година.
Групите се собраа откако Нетанјаху претходно одби да испрати израелска делегација во Каиро за понатамошни преговори за заложниците.
