Претставничкиот дом во кој доминираат републиканците го отповика Алехандро Мајоркас, член на администрацијата на претседателот Џо Бајден задолжен за имиграција и секретар за внатрешна безбедност.
Со 214 гласа „за“, 213 „против“, Претставничкиот дом гласаше за отповикување на секретарот за внатрешна безбедност Алехандро Мајоркас поради неуспехот да ги спроведе американските закони за имиграција.
„Секретарот Мајоркас намерно и постојано одбиваше да се придржува кон федералните закони за имиграција, поттикнувајќи ја најтешката гранична катастрофа во американската историја“, рече претседателот Мајк Џонсон.
Реагираше и претседателот Бајден кој рече дека одлуката за импичмент е неуставна, соопшти Белата куќа.
„Историјата нема љубезно да ги погледне републиканците во Претставничкиот дом за нивниот бесрамен чин на неуставен партиски фанатизам напаѓајќи чесен јавен службеник заради безвредни политички игри“, рече Бајден.
Ова е втор пат во историјата, и првпат во речиси 150 години, Претставничкиот дом да отповика член на кабинетот на претседателот.
Рекорден број мигранти илегално ја преминале границата во Мексико откако Бајден ја презеде функцијата во 2021 година, што поранешниот претседател Доналд Трамп го стави во фокус на неговата кампања.
