Граѓаните кои сакаат да ја посетат Попова Шапка од денес ќе имаат можност да ја користат нововоспоставената автобуска линија која тргнува од Тетово. До скијачкиот центар досега немаше редовна автобуска линија. Општина Тетово воведува превоз во сабота и недела и повратен билет за едно лице ќе чини 200 денари.
-Општина Тетово ги известува сите граѓани и туристи кои сакаат да ја посетат Попова Шапка, дека од овој викенд ќе започне со работа редовната линија за јавен превоз во правец „Тетово – Попова Шапка – Тетово“.Оваа линија ќе биде во функција секоја сабота и недела. Оваа линија очигледно ќе влијае не само на зголемување на бројот на туристи, туку и на олеснување на сообраќајот кон овој патен правец. Ајде да уживаме заедно во убавините на зимскиот центар. Секогаш сме на услуга на граѓаните, се вели во соопштението од Канцеларија за комуникации и односи со јавноста на Општина Тетово.
Патниците ќе се превезуваат со автобуси на Јавното претпријатие „Тетово Транспорт“ – Тетово.Од Тетово кон Попова Шапка автобуси ќе тргнуваат во 08:30, 11:00, 14:00 и 17:00 часот, додека за назад кон градот еден час подоца од овие термини.
