Шпанската полиција ги истражува околностите околу убиството на три лица. Цивилната гарда уапси 42-годишен маж со пакистанско потекло, идентификуван како Дилавар Хусаин Ф.Ц. Тие објавија дека 42-годишниот маж се предал и ги признал убиствата.
Телата на Хозе Гутиерез Ајус (77) и неговите сестри Амелија (67) и Анџела (74) беа пронајдени во нивниот дом минатата недела. Телата биле делумно изгорени. Тројцата живееле заедно во Мората де Тајуњо, град со околу 8.000 жители југоисточно од Мадрид, пишува Би-Би-Си.
Шпанската полиција ги истражува околностите околу убиството на три лица. Цивилната гарда уапси 42-годишен маж со пакистанско потекло, идентификуван како Дилавар Хусаин Ф.Ц. Тие објавија дека 42-годишниот маж се предал и ги признал убиствата.
Телата на Хозе Гутиерез Ајус (77) и неговите сестри Амелија (67) и Анџела (74) беа пронајдени во нивниот дом минатата недела. Телата биле делумно изгорени. Тројцата живееле заедно во Мората де Тајуњо, град со околу 8.000 жители југоисточно од Мадрид, пишува Би-Би-Си.
Цивилната гарда истакна дека се чини дека мотивот на злосторството бил долгот што жртвите го имале кон осомничениот. Пријателите на жртвите изјавија за локалните медиуми дека Анџелес и Амелија биле во онлајн врски неколку години со луѓе кои тврделе дека се мажи од САД.
Сестрите побарале пари од мештаните
Според тие изјави, сестрите му испратиле и до 400.000 евра на човек кој го познавале по име „Едвард“, наводен припадник на американската армија и негов пријател. Барем дел од нивните контакти со овие луѓе се одвивале преку Фејсбук.
Хозе Гутиерез Ајусо, кој имал психички проблеми, не бил вклучен во испраќањето на парите. Откако немале повеќе пари за испраќање, сестрите побарале финансиска помош од локалното население и се обратиле кај неформалните заемодавци.
Тие дури побарале пари од градоначалникот и свештеникот Морат де Тајуњо, пишува шпанскиот весник ABC. Хусеин ги запознал жртвите додека живеел во нивната куќа како потстанар неколку месеци. Тој во полиција изјавил дека сестрите му должат значителна сума пари која им ја дал како заем со висока камата, но тие не му ја вратиле.
Осомничениот доби две години затвор за претходниот напад
Хусеин двапати ја нападнал Амелија додека се уште живееше во нејзиниот дом, вториот пат со чекан во февруари минатата година, по што и требаше лекарска помош. Нему му беше изречена затворска казна од две години и забрана за приближување, но беше ослободен по седум месеци во септември минатата година.
Минатиот четврток полицијата влегла во домот на настраданите бидејќи соседите пријавиле дека веќе неколку недели не се видени или слушнати. Енрике Велила, локалец кој бил пријател на жртвите, потврдил дека сестрите морале да го продадат имотот што го поседувале во Мадрид поради финансиски проблеми.
Тој раскажа и како банката предупредила за можна измама. „Им кажавме дека се е лага, дека е измама. Но, тие не сакаа да го слушнат зборот „измама“. Анџелес беше учителка, а Амелија исто така беше образована. Тие не беа глупави. Само се заљубиле“, заклучи тој.
