Здравствените власти (НХС) во Велика Британија денеска ги повикаа родителите да ги вакцинираат своите деца против вирусот на мали сипаници, заушки и рубеола поради наглото зголемување на случаите на сипаници и најниската стапка на вакцинација во последната деценија.
НХС ја започна кампањата по 216 потврдени и 103 можни случаи на мали сипаници во Англија кај деца под десет години од октомври.
МР вакцината против сипаници, заушки и рубеола им се дава на децата во Велика Британија во две дози, првата на 12 месеци, а потоа повторно на 3 години.
Стапките на вакцинација паднаа на 85 отсто на национално ниво, а дури и пониски во некои делови на Лондон.
Официјалните лица велат дека тоа е премногу ниско и дека стапката треба да биде околу 95 проценти, како што советува Светската здравствена организација (СЗО).
Експертите за јавно здравје велат дека над 3,4 милиони деца под 16-годишна возраст се незаштитени и се изложени на ризик да се заразат со оваа болест.
Малите сипаници беа прогласени за искоренети во Велика Британија во 2017 година, но бројот на инфекции оттогаш се зголеми, а официјалните лица рекоа дека епидемии може да се појават секаде каде опфатот со вакцини е под 95 проценти потребни за да се постигне имунитет на стадо.
Малите сипаници се меѓу најпознатите заразни болести и се шират преку воздухот кога заразеното лице кашла или кива и е најчеста кај децата на возраст под 5 години. Симптомите вклучуваат треска, кашлица, течење на носот и карактеристичен осип.
