Министерот за здравство, Фатмир Меџити, во врска со случајот на починато 24-годишно момче во Клиничка болница Битола, иницираше Државниот санитарен и здравствен инспекторат да изврши вонреден инспекциски надзор во установата.
По утврдување на фактичката состојба и изготвување на извештајот од страна на ДСЗИ, јавноста навремено ќе биде информирана, информираа од Министерството.
Смртта на момчето се случила вчера доцна попладнето по 18 часот, откако од утрото било примено во болницата со многу висока температура и треска.
