Утрински Весник
Македонија

Герасимовски: Со „Маалски фестивал“ градиме традиција на различни културни вредности

Герасимовски: Со „Маалски фестивал“ градиме традиција на различни културни вредности

Градоначалникот на Општина Центар Горан Герасимовски вчера вечер присуствуваше и на и официјалното отворање на „Маалски фестивал“ во КСП Јадро. Тој заедно со директорот на културниот центар Јадро Ѓорѓе Јовановиќ го претставија и новиот мурал во општината кој ги отсликува личните доживувања на Скопје и Центар на илустраторите Белкис Аксу и Мурат Калвакан.

dobivaj vesti na viber

„На мое задоволство на ова официјално отворање на второто издание на „Маалски фестивал“ имаме чест да го промовираме новиот мурал на фасадата на овој Културен центар. Муралот е насловен „И ние сме од Скопје“ и истиот зборува за искуствата во Скопје на илустраторите Белкис Аксу и Мурат Калвакан. И Скопје и Центар се баш тоа, носат сопствени приказни и доживувања кои треба да си ги раскажеме. Мене ми е мило што преку овој „Маалски фестивал“ почнуваме да градиме традиција на културни вредности од повеќе аспекти, рече Герасимовски.

Герасимовски од КСП Јадро ја претстави програмата за останатите два дена која вклучува Креативна работилница за Све и свашта под водство на Никола Писарев, работилница за изработка на чуднозвучни инструменти под водство на Тома Димовски, Маалски базар и мал саем на книги, поетско читање, танцов перформанс на Битрикс, раскажување маалски приказни, кино проекции и Пратеникот, театарска претстава по текстот на Народен пратеник на Бранислав Нушиќ.

Можете да прочитате

Вечерва мотоциклист тешко повреден во сообраќајна несреќа во Неготино

Спасовски: Нашето патување низ овие 33 години беше патување на јасно изразена волја на граѓаните, на визија, непокор и единство

Мицкоски со порака: Мојата визија е јасна, Македонија ќе биде држава каде што владее законот и каде што нема место за корумпирани личности