Украинските системи за противвоздушна одбрана уништија 32 од 44 дрона „Шахид“ од иранско производство што Русија ги лансира кон Украина рано утринава, објавија украинските воздухопловни сили на „Телеграм“.
Главна цел на нападот биле јужните делови на Одеса, пристанишната инфраструктура во регионот, соопштија од украинските воздухопловни сили, пренесува „Ројтерс“.
Во напад на руски беспилотни летала рано утринава, најмалку шест лица се повредени, а оштетена е пристанишната инфраструктура во Измаил, едно од најважните украински пристаништа на Дунав за извоз на жито, објави на „Телеграм“ гувернерот на регионот Одеса, Олех Кипер.
Во областа Измаил беа лансирани неколку групи дронови.
