Турскиот претседател Реџеп Ердоган за време на заедничката прес-конференција со неговиот руски колега Владимир Путин потврди дека Анкара е подготвена да игра улога на посредник во мировните преговори меѓу Русија и Украина.
За време на заедничката прес-конференција, Владимир Путин ја нарече контраофанзивата на Украина „неуспех“.
„Контраофанзивата не е привремено назадување, туку неуспех. Ќе видиме што ќе се случи понатаму. Се надевам дека вака ќе продолжи“, нагласи Путин.
Веднаш по заедничката конференција, рускиот министер за одбрана Сергеј Шојгу го повтори истото на друг брифинг со новинарите, велејќи дека и покрај „жестоките“ удари во изминатите 10 дена, контраофанзивата на Украина не успеа.
