Кинескиот претседател Шји Џјинпинг нема да патува во Индија на претстојниот самит на Г20, соопшти Министерството за надворешни работи во Пекинг.
Министерството не соопшти зошто Шји нема да присуствува.
Ова е првпат кинески лидер да го откаже состанокот на Г20, пишуваат светските медиуми.
Премиерот Ли Кијанг ќе ја предводи кинеската делегација, изјави портпаролката на Министерството, Мао Нинг.
Повеќето од лидерите на Г20 ќе се сретнат в сабота во Њу Делхи на дводневен состанок.
Не доаѓа и рускиот претседател Владимир Путин, а ќе го претставува неговиот министер за надворешни работи, Сергеј Лавров.
Кина и земјата домаќин на Г20, Индија, имаат затегнати односи.
Двете најнаселени земји во светот се расправаат за територијата јужно од Тибет и источно од Индија.
Нивниот спор доведе до кратка војна во 60-тите, во која Кина победи. Во летото 2020 година војници од двете страни меѓусебно се нападнаа со камења, палки и тупаници во пограничната област, најлошиот инцидент во последните децении, стои во написите на медиумите.
Според анализите, неодамна објавувањето на официјалната мапа, на која се гледаат барањата на Кина за спорните копнени и поморски области, предизвика бес од неколку земји.
