Белгискиот интернационалец Јаник Караско е најновата европска ѕвезда која ќе игра во првенството на Саудиска Арабија. По долги преговори со Атлетико Мадрид, саудискиот клуб Ал Шабаб успеа да најде заеднички јазик и да го реализира трансферот за сума од 15 милиони евра.
Караско ќе потпише тригодишен договор со Ал Шабаб и ќе се придружи на големиот број ѕвезди кои ова лето заминаа во Саудиска Арабија.
Караско беше желба и на Барселона, која сепак не можеше да го доведе поради проблемите со финансискиот фер-плеј.
