Секторот за внатрешни работи Скопје во текот на вчерашниот ден продолжи со контролите во областа на сообраќајот, известува МВР.
– На територија на град Скопје изречени се вкупно 231 мерка, меѓу кои за возење повеќе од дозволената брзина 64 санкции, 16 мерки за возење без возачка дозвола, 12 санкции за прекршоци што ги прават возачите на мотоцикл. Изречени се 16 санкции за користење на мобилен телефон при возење, 11 мерки за некористење на сигурносен појас, шест санкции за минување на затворен сигнал – црвено светло, соопшти МВР.
Од Министерството додаваат дека сообраќајните контроли продолжуваат и во наредните денови.
