Британските возачи Луис Хамилтон и Џорџ Расел ги продолжија договорите со Мерцедес, потврди тимот.
Двајцата ќе останат во автомобилот на германскиот производител најмалку до 2025 година.
Хамилтон, кој е во последната година од договорот, со месеци преговара со Тото Волф за нов договор. 38. годишникот со потпишувањето на новиот договор уште еднаш ја покажа намерата да вози и кога ќе влезе во петтата деценија од животот.
Тековната сезона му е 11. во Мерцедес, во кој се пресели во 2013 година. Во тој период се израмни со Михаел Шумахер по бројот на титули (7), но и стана рекордер по бројот на пол-позиции (103) и победи на трки (104).
Неговиот колега Џорџ Расел ја вози втората сезон во тимот. Помладиот Британец е еден од најталентираните возачи во шампионатот и според многумина тој во иднинина им големи шанси да стане светски првак.
