Ромелу Лукаку ќе се врати во Серија А. Белгиецот реши да го одбие Јувентус и да се пресели во Рома, тврди британски „Телеграф“.
Челси и Рома треба да го финализираат договорот во наредните денови. Рома го сака Лукаку на позајмица, но не сака во договорот да биде вметната клаузулата за откуп на неговиот договор по завршувањето на сезоната.
Лукаку цело лето тренира со младиот тим на Челси, а според англиските медиуми тој ниту еднаш не се сретнал со новиот менаџер, Маурисио Покетино.
Рома бара напаѓач поради повредата на Тами Ејбрахам. Англичанецот ќе пропушти добар дел од новата сезона.
