Брера стигна до четврти триумф во новата сезона од Првата фудбалска лига. Струмичани славеа против Тиквеш со 2:0 на домашен терен.
Стрелец на водечкиот гол беше Христијан Малески, новото засилување кое пристигна од Струга ТЛ.
Малески со удар со глава го совлада Столе Димовски во 72.минута од мечот по корнерот на Рибаудо од десната страна. Претходно, младиот напаѓач ја погоди и гредата со шут од 15 метри. Во судиското продолжение, Мартин Ѓорѓиевски постигна и втор гол за потврда на триумфот.
По четири кола, Брера има максимални 12 бода и се наоѓа на врвот на табелата во Првата фудбалска лига.
Standings provided by Sofascore
