Лидерот на Партијата на граѓанската револуција во провинцијата Есмералдас, Педро Брионес, е убиен само пет дена откако претседателскиот кандидат Фернандо Вилависенсио беше убиен на предизборен митинг.
Брионс бил убиен од вооружени лица на мотор, јавува Би-Би-Си. Засега не се знае мотивот, а од полицијата се уште нема соопштение.
Поранешниот еквадорски претседател Рафаел Кореа, кој ја основа Партијата на граѓанската револуција, напиша: „Убија уште еден наш колега во Есмералдас. Доста е доста!”
Есмералдас се наоѓа на границата со Колумбија и е една од најтешко погодените провинции кога станува збор за насилството што се случува низ Еквадор.
Стапката на убиства во Еквадор се зголеми откако локални банди склучија сојузи со меѓународни криминални картели, соопшти британскиот јавен сервис.
