И денеска продолжија напорите за гаснење на пожарот на депонија Буково, каде што се исфрла комуналниот отпад од Охрид.
Непријатната миризба се чувствува во градот, кој е во екот на својата туристичка сезона, а граѓаните се жалат дека градот мириса неподносливо.
Екипите на Јавното претпријатие „Охридски Комуналец“ информираа дека продолжуваат со активностите за гаснење на огнот, а со специјална механизација опожарениот терен се покрива со големи количини земја.
Пожарот изби на 29 јули, во саботата во попладневните часови кога, како што објавија „Охридски комуналец”, непознато лице го подметнало на депонијата. По два дена повторно бил подметнат нов пожар, овојпат на сосема друга страна.
Поднесена е пријава.
